Monthly Archives: August 2012

கவிதை சுருதி சத்யானந்தன் வீட்டின் மூலையில் காற்றைக் கிழித்துப் பெருமிதமாய்ச் சுழன்ற சிலம்பத்தின் மீது சிலந்தி வலை மரணக் கிணற்றிலிருந்து வெளிப்பட்ட பாதாளக் கரண்டியிலிருந்து ஒரு தவளை தாவி நிலம் பற்றுகிறது சுருதி சேர்ந்த தந்திகள் மௌனம் பூண்ட வீணை இருக்கும் அறையில் ஒரு வண்டின் ரீங்காரம்

கவிதை படிகள் சத்யானந்தன் காற்றின் சிறகுகளைப் பற்றி எரிக்கும் நெருப்பு மரத்தின் கனவுகள் ஒளிரும் முகப்பு விளக்குகளில் தூசிகளை உதாசீனம் செய்யும் வாகனங்கள் விரைந்திட நேற்றைய உணவும் விலை போகும் சந்தையில் ஒரு குழந்தை தாய்ப் பாலில் பசியாறிக் கொண்டிருந்தது உறைகல்லில் மட்டும் தங்கமாய் வெளிப்படும் மௌனங்கள் சறுக்கு மரத்தில் ஏணிப்படிகளாய்